Agar abituriyentning telefon raqami kuyib ketgan yoki almashgan bo‘lsa, nima qilish kerak?
✅ JAVOB: Bilimlarni baholash agentligi yoki uning hududiy bo‘limlariga uchrashish kerak.
Agar abituriyentning ro‘yxatdan o‘tishda ishlatgan telefon raqami kuyib ketgan, yo‘qolgan, o‘zgargan bo‘lsa hamda eski raqamini qayta tiklashning imkoni bo‘lmayotgan bo‘lsa, unda unda yo‘nalish tanlash huquqidan foydalana olmay qoladi. Chunki yo‘nalish tanlagandan keyin uni tasdiqlash uchun SMS-kodni kiritish talab etiladi.
Bunday vaziyatdagi yechim — Bilimlarni baholash agentligi yoki uning hududiy bo‘limlariga abituriyentning shaxsan o‘zi ID-karta yoki pasporti bilan borib, murojaat qilishi kerak. Shunda agentlik xodimlari shaxsiy kabinetiga ulangan telefon raqamni boshqa faol raqamga almashtirib berishadi.
To‘ldirish:
yuqoridagi post telefon raqami kuyib ketgan/o‘zgargan hamda parolini ham esidan chiqarishi ortidan shaxsiy kabinetiga kira olmayotganlar haqida edi. Agar telefon raqami o‘zgargan bo‘lsa-da, lekin shaxsiy kabinetiga paroli orqali kira olayotgan bo‘lsa, unda telefon raqamni o‘zgartirishning boshqa yo‘li bor.
Agar abituriyent parolini eslay olsa, unda my.uzbmb.uz saytiga kirib, shaxsiy kabinetini ochadi. Va yuqori o‘ng burchakdagi rasmining ustiga bossa, menyu ochiladi. Shu yerda “Telefon raqamini o‘zgartirish” (https://my.uzbmb.uz/change-phone) sahifasi mavjud. O‘sha yerga kirib, yangi telefon raqamini kiritadi. Tasdiqlash uchun SMS-kodi ham yangi telefon raqamga keladi. Qarabsizki, telefon raqam o‘zgaradi.
Agar shaxsiy kabinetiga kirish parolini eslay olmayotgan bo‘lsa, unda «OneID orqali kirish» tugmasi orqali kirish qilsa ham bo‘ladi. OneID tizimi orqali shaxsiy kabinetga kirilganidan so‘ng, yuqorida aytilgan ko‘rsatma orqali telefon raqamni yangisiga almashtirish mumkin.
Agar OneID orqali ham kira olmasa, yoki u yerdagi login-parolini ham eslay olmasa, ana unda uchinchi va eng oxirgi yo‘l qoladi. Bu — Bilimlarni baholash agentligi yoki ularning hududiy bo‘limlariga shaxsan borib uchrashish.
👉 @xushnudbek 👈
