Kitob bu ilm bulog‘i ilmsiz inson ko‘p kitob o‘qishi ilm olishi zarur, kitob o‘qish nutqni eslab qolishni rivojlantiradi shu bois kitob haqida sherlar ko‘p bo‘lsa kerak

БОЛАГА КИТОБ БЕРИНГ

Осмонларда юрганлар,
Олтин сарой қурганлар,
“Не берай?” – деб турганлар,
Болага китоб беринг!

Бола оққуш, оқ каптар,
Дунёлардан бехабар,
Ёвузлик топмай хабар,
Болага китоб беринг!

Қинғир йўлга кирмасдан,
Пешонага урмасдан,
Кимдир пичоқ бермасдан,
Болага китоб беринг!

Интернет деган аждар,
Симидан оқар заҳар,
“Дод” демай рўзи маҳшар,
Болага китоб беринг!

“Кел!” – дея имлар тузоқ,
Қабр қазир, қазир чоҳ,
Минг-минг астағфируллоҳ,
Болага китоб беринг!

Кўзи очиқ кўрмасдан,
Шайтон йўлдан урмасдан,
Отадан юз бурмасдан,
Болага китоб беринг!

Хонлар каби юрганлар,
Хонсаройлар қурганлар,
“Не берай?” – деб турганлар,
Болага китоб беринг!

“Лисон ут-тайр”ларим,
Юракка сайрларим,
Авлиёзод нурларим,
Болага китоб беринг!

Кўзларни очиш керак,
Ғафлатдан қочиш керак,
Қанот чиқариш керак,
Болага китоб беринг!

Дерсиз: “Пул йиғиш керак…
Олтину кумуш керак…”
Худодан қўрқиш керак,
Болага китоб беринг!

Кўкрак кериб юрганлар,
Кўркам сарой қурганлар,
“Не берай?” – деб турганлар,
Болага китоб беринг!

Хазинайи жаҳон у,
Кичик Абу Райҳон у,
Сизга қараб ҳайрон у,
Болага китоб беринг!

Бухорий – сарварим у,
Термизий – анварим у,
Маҳмуд Замахшарий у,
Болага китоб беринг!

Кескир қилич бўлсин у,
Китобга ўч бўлсин у,
Енгилмас куч бўлсин у,
Болага китоб беринг!

Навоийни билсин у,
Ёнингизга келсин у,
Бахтли бола бўлсин у,
Болага китоб беринг!

Осмонларда юрганлар,
Олтин сарой қурганлар,
“Не берай?” – деб турганлар,
Болага китоб беринг!

Зулфия Мўминовa

Kitobim

Kitobim jon kitobim,
Yonimdagi oftobim.
Sendan bilim olaman,
Kitobsevar bolaman.

Biz o‘g‘il-qiz bolalar,
Bog‘dagi gul-lolalar.
Kitobni do‘st tutganmiz,
Dur-u gavhar yutganmiz.

KITOBJON

Zehnimizni o’tkirlab,
Band qilasan qo’limni.
Sen do’stimsan kitobjon
Yoritasan yo’limni.
Ertaklaringni o’qib,
Sira-sira to’ymayman.
Sen-la dunyoni anglab,
Qo’limdan hech qo’ymayman.