bahor fasli fasillar ichida o‘zgacha, bahor faslida bayramlar nihoyatda ko‘p, bahor fasli haqida sherlar bolalar uchun

BAHORNING ZIYNATI

Qaldirg’ochlar keldilar,
Qo’shiq aytib, vijirlab.
Simga qo’nib kuldilar,
Bolalarday bijirlab.

Kiyimlari oq, qora,
Ipak kabi mayindir.
Ko’zlari sho’x, qop-qora,
Mo’ljallari tayindir.

Moijallari — loy makon,
Tez qurilib bitadi.
Ichidan duv polapon
Uchib chiqib ketadi.

✍Aziz ABDURAZZOQ

KO’KLAM QO’SHIG’I

Bugun kurtak
O’qir ertak:
— Bahor keldi,
— Bahor keldi.

Sochi tol-tol
Silkinar tol:
— Bahor keldi,
— Bahor keldi.

Sho’x qaldirg’och
Sayrar g’och-g’och:
— Bahor keldi,
— Bahor keldi.

Tojdor turna
Chalar surnay:
— Bahor keldi,
— Bahor keldi.

Jilg’a quvnab,
Oqar kuylab:
— Bahor keldi,
— Bahor keldi.

Hammadan ham
Biz shod, xurram:
— Bahor keldi,
— Bahor keldi.

BAHOR

Unga belandi dunyo,
Qor yoqqanda bo’ralab.
Olam uxlaydi go’yo,
Oq choponga o’ralib.
Go’zal bahor kelganda
Qishning ko’rpasin otdi.
Uyqudagi olamni
Kulib-kulib uyg’otdi.

GULBAHOR

Tomchi tomar
Tarnovlardan —
Tiq, tiq, tiq:
— Kun ilidi,
Sojida qiz,
Chiq, chiq, chiq.
Shamol kelib
Eshik qoqar —
Taq, taq, taq :Bahor keldi,
Sojida qiz,
Boq, boq, boq…

BAHOR KELDI

Bahor keldi, uyg’otib
Dillar zavq-shavqin.
Anhorlarda toshib suv,
Soladi shovqin.
Yerdan ko’m-ko’k maysalar
Ko’tarmoqda bosh. Dehqon kezar dalada
Chiqmasdan quyosh.
Har qadamda o’zgarish —
Bir yangilik bor,
Vatan bo’ylab kezmoqda
Sevimli bahor.

KURTAK MO’RALAR
Bahor yurar yasanib,
Kiyib baxmal ko’ylagin.
Qirlar, adir, bogiarda
So’ylab hayot ertagin.
Salomiga egilar
Kokil-kokil novdalar.
Ko’m-ko’k yo’rgak ichidan
Jajji kurtak mo’ralar.

СЕН БАҲОРНИ СОҒИНМАДИНГМИ?

Уйғонгувчи боғларни кездим,
Топай дедим қирдан изингни.
Ёноғингдан ранг олган дедим –
Лолазорга бурдим юзимни,
Учратмадим аммо ўзингни,
– Сен баҳорни соғинмадингми?

Узоқларда залворли тоғлар
Хаёлимни келдилар босиб.
Кечди қанча интизор чоғлар,
Васлинг менга бўлмади насиб,
Сенсиз мен ҳам, баҳор ҳам ғариб,
– Сен баҳорни соғинмадингми?

Ўнгирларда сакрайди оҳу,
Наъматакда саъва миттижон.
Қорликлардан сипқарилган сув,
Дараларда уради жавлон.
Нигоҳимдан фақат сен пинҳон,
– Сен баҳорни соғинмадингми?

Мана, бугун наврўзи олам,
Дўстларимга гуллар тутарман.
Қайлардасан, севгили эркам…
Қўлимда гул, сени кутарман,
Умрим бўйи чорлаб ўтарман,
– Сен баҳорни соғинмадингми?

А. Орипов

​​🌹 Bahor keldi

Keldi bahor, gul bahor
Erib bitdi oppoq qor.
Uchib keldi qushlarjon,
Daraxtlar taqdi marjon.

Suvlar oqar shildirab,
Yulduz boqar mildirab,
Chumolilar yayrashar,
Sho‘h bulbullar sayrashar.

Endi ilk sof navbahor,
Chunki bizda gulbahor.
Bog‘da qizil lolalar
Terib oling bolalar.

Tog‘ bag‘rida qo‘zilar,
Ma’rab o‘tga cho‘zilar.
Tolbargak taqib qizlar
Chuchmomalarni izlar.

Quyosh nurlarin sochdi,
Atirgul g‘uncha ochdi.
Yuring chiqaylik, bog‘lar
Bizni kutar o‘rtoqlar.

Qaldirg’och

Ko’zlari munchoq-munchoq
Qizaloqman tillasoch.
Yoqtiraman bahorda,
Uchib kelsa qaldirg’och.
Don beraman unga men,
Chug’illaydi, qochadi,
Loydan qurgan inida,
Har yil bola ochadi.
Bobom deydi:”Qaldirg’och,
Barakali qush, qizim,
Shu sabab qaldirg’ochni,
Yaxshi ko’raman o’zim”.

QALDIRG’OCH

Erkdan nishona bo’lib,
Nurli peshona bo’lib,
Uchib keldi qaldirg’och,
Ko’kda otib keng quloch
Baxt-iqbol olib keldi,
Istiqbol olib keldi.
Erksevar yuraklarga,
Istiqlol olib keldi.

Navro’z

Keldi bahor – fasllar malikasi,
Zamin uzra yellarning tozasi.
Qadimdan kelgan andozasi,
Taraldi bayram ovozasi,
Yangrar Navro’z taronasi.
Kel-kel bahor, qalblarga quvonchni to’ldirib,
Yana takror qo’shiq yangrar yurakdan jo’sh urib.
Go’zal yurt, chamanzor, jon onam,
Xush kelibsan, Navro’zi olam.
Ko’k somsa, chuchvarayu sumalak,
Keldi Navro’z – yangi kuningdan darak.
Go’zal yurt osmonida kamalak,
Bayramning bayram ovozasi,
Yangrar Navroz taronasi.
Kel-kel bahor, qalblarga quvonchni to’ldirib,
Yana takror qo’shiq yangrar yurakdan jo’sh urib.
Go’zal yurt, chamanzor, jon onam,
Xush kelibsan, Navrozi.

Bahor haqida qisqa sher

Keldi Bahor gubahor
Gul lolalar ochildi
Sochpopuk taqib qizlar
Gul Navro’zga shoshildi

🌼🌼🌼🌼🌼🌼🌼🌼🌼🌼🌼

BAHOR KELDI SENI SO’ROQLAB

Salqin saharlarda, bodom gulida,
Binafsha labida, yerlarda bahor.
Qushlarning parvozi, yellarning nozi,
Baxmal vodiylarda, qirlarda bahor.

Qancha sevar eding, bag’rim, bahorni,
O’rik gullarining eding maftuni.
Har uyg’ongan kurtak hayot bergan kabi,
Ko’zlaringga surtib o’parding uni …

Bahor.

Iforlaring sog’indim, bahor,
Jilg’alaring shildirashini,
Sof havoga limmo-lim nahor,
Yaproqlarning shivirlashini.

Nurlaringni sog’indim, bahor,
Zumda osmon gumburlashini,
Ko’kda chaqnar, yarqiroq chaqmoq,
Yomg’ir, jala sho’x kuylashini.

Ne’matlaring sog’indim,bahor,
To’rt yon to’lgan somsa bo’yiga.
Sumalaklar to’la doshqozon,
Xalqim shoshar Navro’z to’yiga.

Qushlaringni sog’indim, bahor,
Musichalar ku-kulashini,
Bo’g’otda in qo’ygan qaldirg’och,
Chumchuqlarning chg’urlashini.

Hislaringni sog’indim, bahor,
Muhabbatga to’la ko’ngillar,
Sof tuyg’ular ko’zlarda oshkor,
Bir-biriga talpinar dillar.

Chor atrofga sep yoygan ko’klam,
Qish g’uborin quvadi dildan.
Kelinchakka o’xshaydi o’lkam,
Go’zallikka, nurga yo’g’rilgan.

Kel, o’zingni sog’indik , bahor !!!

Muallif: Dilfuza Xalilova

Sog’ingan satrlar

Salqin saharlarda, bodom gulida,
Binafsha labida, yerlarda bahor.
Qushlarning parvozi, yellarning nozi,
Baxmal vodiylarda, qirlarda bahor.

Qancha sevar eding, bag‘rim, bahorni,
O‘rik gullarining eding maftuni.
Har uyg‘ongan kurtak, hayot bergan kabi
Ko‘zlaringga surtib o‘parding uni.

Mana qimmatligim, yana bahor kelib,
Seni izlab yurdi, kezdi sarsari.
Qishning yoqasidan tutib so‘radi seni,
Ul ham yosh to‘kdi-yu, chekildi nari.

Seni izlar ekan, bo‘lib shabboda,
Sen yurgan bog‘larni qidirib chiqdi.
Yozib ko‘rsatay deb husn-ko‘rkini,
Yashil qirg‘oqlarni qidirib chiqdi.

Topmay sabri tugab bo‘ron bo‘ldi-yu,
Jarliklarga olib ketdi boshini.
Farhod tog‘laridan daraging izlab,
Soylarga qulatdi tog‘ning toshini.

So‘ngra jilo bo‘lib kirdi yotog‘imga,
Hulkar va Omonning o‘pdi yuzidan.
Singib yosh kuydirgan zafar yonog‘imga
Sekin xabar berdi menga o‘zidan.

Lekin yotog‘imda seni topolmay,
Bir nuqtada qoldi uzoq tikilib.
Yana yel bo‘ldi-yu, kezib sarsari,
Mendan so‘ray ketdi qalbimni tilib:

«Qani men kelganda kulib qarshilab,
Qo‘shig‘i mavjlanib bir daryo oqqan?
“Baxtim bormi deya”, yakkash so‘roqlab
Meni she’rga o‘rab suqlanib boqqan?

O‘rik gullariga to‘nmaydi nega
Yelda hilpiratib jingala sochin?
Nega men keltirgan sho‘x na’shidaga
Peshvoz chiqmaydi u yozib qulochin?

Qani o‘sha kuychi, xayolchan yigit?
Nechun ko‘zingda yosh, turib qolding lol.
Nechun qora libos, sochlaringda oq,
Nechun bu ko‘klamda sen parishonxol?»

Qanday javob aytay, loldir tillarim,
Baridan tutdim-u, ketdim qoshingga.
U ham gaming bilan kezdi aftoda,
Boqib turolmayin qabring toshiga.

Alamdan tutoqib daraxtga ko‘chdi,
Kurtakni uyg‘otib so‘yladi g‘amnok.
Sening yoding bilan yelib beqaror,
Gullar g‘unchasini etdi chok-chok.

Gul-u rayhonlarning taraldi atri,
Samoni qopladi mayin bir qo‘shiq.
Bu qo‘shiq naqadar oshno, yaqin,
Naqadar hayotbaxsh, otashga to‘liq.

Bahorgi burkangan sen sevgan elda,
Ovozing yangradi jo‘shqin zabardast.
O‘lmagan ekansan, jonim, sen hayot,
Men ham hali sensiz olmadim nafas.

Hijroning qalbimda, sozing qo‘limda,
Hayotni kuylayman, chekinar alam.
Tunlar tushimdasan, kunduz yodimda,
Men hayot ekanman, hayotsan sen ham!

✍ Zulfiya Isroilova.

HAR YON LOLAZOR
💐💐💐💐💐💐
Yana keldi gulbahor,
Qir-adirlar lolazor.
Ko’kda vizillar varrak,
Entikib ketar yurak.
Buvimga ko’mak berdim,
Sumalakka tosh terdim.
Tiladim yaxshi tilak,
So’ng tovlandi kamalak.

GULCHAMBAR TAQIB…
💐💐💐💐💐💐💐
Kirib kelgach ko’klamoy,
Tabiat ochdi chiroy.
Har yon gul-u lolalar,
Quvonishar bolalar.
Dugonajon kelaqol,
Gulchambarlar taqamiz.
Qo’lingni ber qo’limga
Yur, qirlarga chiqamiz.

KO’KLAM QUVONCHI
💐💐💐💐💐💐💐
Qaldirg’och qanotida
Orzu ko’kka bo’y cho’zdi.
Bog’imda nargis gullar
Quyoshga qarab o’sdi.
Sochga tolbargak taqib,
Yalpiz terdik bir etak.
Ko’k somsalar yopamiz,
Nasibamiz mo’l, demak

QUYOSH
💐💐💐💐💐💐💐💐
Quyosh bizdan ko’p yiroq,
Udir olamga chiroq.
Yog’du oladi qaydan,
Yoki olarmi oydan.
U termulib yiroqdan,
Nur olar har yurakdan.

Boychechak
💐💐💐💐💐💐💐💐
Boychechagim boylandi,
Qozon to’la ayrondi.
Ayroningdan bermasang
Qozon-tovog’ing vayrondi.

Naqarot:
Qattiq erdan qatrab chiqqan boychechak.
Yumshoq yerdan yumalab chiqqan boychechak.
Boychechagim xilloli,
Hamyon-hamyon tilloli,
Hamma bozor bir bozor,
Atroflari lolazor.

Naqarot:

Boychechakni tutdilar,
Sim yog’ochga osdilar.
Qilich bilan chopdilar
Baxmal bilan yopdilar.

Naqarot:
Qattiq erdan qatrab chiqqan boychechak,
Yumshoq yerdan yumalab chiqqan boychechak.
Bola-bola, bola-bola, bola-bola, bola-bola boychechak, boychechak
💐💐💐💐💐💐💐💐💐
Yomg’ir yog’aloq

Yomg’ir yog’aloq
Yam-yashil o’tloq.
Endi ekinlar
Chiqarar quloq.

Naqarot:
Yashnasin dala,
Ochilsin lola.
Tog’lar qo’ynida misli,
Shalola.

Bahor kelganda
Ochilar gullar.
Qo’ylar, qo’zilar
O’tlashga chiqar.

Naqarot:

Bog’da arilar
Gullarga qo’nar,
Ochilgan gullardan
Bollarni yig’ar.

Naqarot:
Yashnasin dala,
Ochilsin lola.
Tog’lar qo’ynida misli,
Shalola.

KO’KLAM QO’SHIG’I
💐💐💐💐💐💐💐
Yomg’ir yog’ar shitirlab,
Ko’klam qo’shig’in kuylab.
Bahorga peshvoz chiqib
Gullar beradi o’ynab.

Bahor yaqin
💐💐💐💐💐💐💐💐
O’tib ketdi qishning sovuq
Ham bo’ronli kunlari.
Ortda qoldi oy, yulduzsiz,
Tim qorong’i tunlari.
Endi quyosh ko’proq boqar,
Dalalarga, bog’larga.
Quchoq-quchoq yog’du sochar,
Adirlarga, tog’larga.

Bezanishar dala-qirlar,
Chechak taqar o’tloqlar.
Bahor yaqin, bahor yaqin,
Bahor yaqin, o’rtoqlar.

Ko’nglim yana tog’day o’sar,
Ko’rkam bahor kelganda.
Quvongayman dasta-dasta
Gul-chechaklar terganda…

©Zafar Diyor

Bahor keldi
💐💐💐💐💐💐💐
Keldi bahor, gul bahor
Erib bitdi oppoq qor.
Uchib keldi qushlarjon,
Daraxtlar taqdi marjon.
Suvlar oqar shildirab,
Yulduz boqar mildirab,
Chumolilar yayrashar,
Sho‘h bulbullar sayrashar.

Endi ilk sof navbahor,
Chunki bizda gulbahor.
Bog‘da qizil lolalar
Terib oling bolalar.

Tog‘ bag‘rida qo‘zilar,
Ma’rab o‘tga cho‘zilar.
Tolbargak taqib qizlar
Chuchmomalarni izlar.

Quyosh nurlarin sochdi,
Atirgul g‘uncha ochdi.
Yuring chiqaylik, bog‘lar
Bizni kutar o‘rtoqlar.

Shukur Sa’dulla (1912-1972)

BINAFSHA
💐💐💐💐💐💐💐💐
Binafshaxon, binafsha,
Kulishlaring chiroyli.
Bog’imizda ochilib,
Turishlaring chiroyli.
Hamma chiqar dalaga
Binafshalar tergani.
Men ham terdim bir dasta
Onamizga bergani.
💐💐💐💐💐💐💐
BINAFSHANI SOG’INDIM

Binafshaning isini
Sog’indim qish kunida.
Uning inja husnini
Sog’indim qish kunida.
Tezroq bahor kelsaydi,
Binafshani ko’rsaydim…
Tezroq bahor kelsaydi,
Binafshani tersaydim…
Biroq bahor ko’pincha
Kelar sekin, imillab.
Biroq bahor kelguncha,
Yer qolar sal qimirlab.
Chunki uning bag’rida
Nafas olar binafsha.
Hademay qish qa’ridan
Chiqib qolar binafsha.
(Qo‘shiq)
💐💐💐💐💐💐💐
Bog‘da gul chaman-chaman,
Men gullarni quchaman.
Zavq-la ochib qulochim,
Sho‘x qush kabi uchaman.

Bahor menga o‘xshaydi,
Ochilib gul yashnaydi.
Ketmaydi u yil bo‘yi,
Men-la birga yashnaydi.

Yoshlik ham bir gulbahor,
Unda bahor husni bor.
Quyosh uni erkalar,
Kulib boqar har nahor.

Har go‘zallik o‘rtog‘im,
Ochiq unga quchog‘im.
Hech narsaga bermayman
Bu shirin yoshlik chog‘im.

Qaldirg‘och qaytib uchar
Qanotin yoyib uchar
Navro‘zda qozon to‘lsa
Elimizni baxt quchar

Ketgan qushlar uzoqdan
Yana bizga qaytadi
Kertak ochgan shoxlarda
Sayrab qo‘shiq aytadi.
💐💐💐💐💐💐

Bahor fasli haqida sherlar to‘plami