vatan haqida sherlar 4 qator, vatan haqida sherlar bolalar uchun, ona vatan haqida sherlar,
O’ZBEKISTON!
Dunyolarga alishmasman tuprog’ingni,
So’ndirmagan bobolarim yaprog’ingni.
Islom bobom xilpiratgan bayrog’ingni,
Dunyo ichra buyuk vatan O’ZBEKISTON!
Bu bag’ringda ulg’aygandir momolarim,
Tinchligimiz qo’riqlagan bobolarim
Erkin qushmiz ochiq qara tomonlarim,
Dunyo ichra buyuk vatan O’ZBEKISTON!
Dunyo senga havas ila qarashgandur,
O’zbek nomi senga rosa yarashgandur.
Bayrog’ingni ko’rib ko’zlar qamashgandur,
Dunyo ichra buyuk vatan O’ZBEKISTON!
Inson qadri ulug’ deya yurtboshimiz,
Duo qiling xalqim uchun dindoshimiz
Omon bo’lsin ey azizlar bu boshimiz,
Dunyo ichra buyuk vatan O’ZBEKISTON!
Parij noni teng kelolmas issiq noninga,
O’zing kabi mehribon xalq har tomoninga,
Erkin parvoz qilar qushlar tinch osmoninga.
Dunyo ichra buyuk vatan O’ZBEKISTON!
Diyorbek Sharipov ✍🏻
Mustaqilligimizga bag’ishlanadi
Sherlar Olami https://SHERLARI.UZ
«ЖОНИМ ФИДО СЕНГА ЭЙ ОНА ВАТАН»
Тўрт фасли бор замин эй она макон, Хас тушса тупроғи гуллаган чаман, Мадхингни куйласам яйрайди бу жон, Жоним фидо сенга эй Она Ватан!
Яшнаган диёрим гуллаган боғим, Осмонингда қушдек парвоз этаман, Тинчлигинг йўлида берайин борим, Жоним фидо сенга эй Она Ватан!
Булбуллар боғингда сайрасин хар вақт, Юрсам йўлларингда сехр сезаман, Райхонлар хидидан бўламан сармаст, Жоним фидо сенга эй Она Ватан!
Ўзингсан хонишим ўзингсан нолам, Номингни айтганда фахр этаман, Отамсан Онамсан менинг парвонам, Жоним фидо сенга эй Она Ватан!
Жахонда гўзал диёрлар бисёр, Лекин сен ягона танхо бетакрор, Мен учун аълосан баридан минг бор, Жоним фидо сенга эй Она Ватан!
Ёш авлод баркамол тинчдур бу замон, Шу юрт фарзандиман шукур қиламан, Азизсан муқаддас жон Ўзбекистон! Жонмим фидо сенга эй Она Ватан!
♻️ https://SHERLARI.UZ✏
🍃️ Siz Izlagan Sherlar Olami 🍃️
Ватан
Ватан бу-чангиган тупроқнинг иси,
Қуёшнинг тафтида куйган болалик.
Девордан бўйлаган қўшнининг қизи,
Нонининг ярмини берган соддалик.
Узоқ қирликларга шукрона айтиб,
Қулочин кенг ёзиб термулган ватан.
Оч-наҳор бўлсада, ўтовга қайтиб,
Ҳурлик нафасидан семирган ватан.
Ватан бу-қизариб пишган олмани,
Ўсмақош томонга оқизган булоқ.
Чин она мисоли қўшни болани,
Иккинчи кўкракда эмизиб қўймоқ.
Асов шамолларга мардона туриб,
Қуёшга интилса, кўкласа туғинг.
Ватан бу-мана шу юртда туғилиб,
Бир елкада тўқсон икки уруғинг.
Ватан бу-қўлларни дуога очиб,
Боқий тинчлик сўраб қилинган омин.
Ватан бу- ёт юртда нафасга чўчиб,
Жонажон сарҳадда туйган эрк таъминг.
📃 https://SHERLARI.UZ ✍
🍃 Siz Izlagan Sherlar Olami
Ў З Б Е К И С Т О Н
Боғларингда сар хил мева,
дурдек тизиб қўйилган.
Дала-даштда ризқ, барака
хирмон қилиб уйилган.
Зилол сувли анҳорларинг
шилдиратиб қуйилган.
Ҳақ назари тушган замин,
жаннатсан ЎЗБЕКИСТОН.
Қуёш кулиб, манглайингда
ҳар кун қўниб ўтади.
Райҳонларинг хушбўй иси,
ойга бориб етади.
Юлдузлар сир айтиш учун
Улуғбегинг кутади.
Ифтихору, ғурур тўла
сарҳадсан ЎЗБЕКИСТОН.
Жисмим – сендан яратилган,
тупроғингни зарраси.
Сотқин боланг – қаноти йўқ
қушларнинг тасқараси.
Сени севган бу вужудим –
минг йўлбарснинг наьраси.
Юрагимда қад ростлаган,
журьатсан ЎЗБЕКИСТОН.
Мир Алишер илм нури
мозийдан нур сочади.
Темур фарзандингни ҳатто
руҳидан ёв қочади.
Ибн Сино меросига
дунё қучоқ очади.
Оламга донг таратган шон,
шавкатсан ЎЗБЕКИСТОН.
Ҳақ айтилган гап: Ватанни –
Севмоқлик иймондандир.
Қизиб турган чўғдек тандир,
Ширмой нонга ватандир.
Сенсиз ўтган ҳар куним Қиш,
қуёшсиз қаҳратондир
Тўрт фаслни безаб турган,
зийнатсан ЎЗБЕКИСТОН.
Она Ватан деб азалдан
ҳеч бекорга аталмас.
Бир куним-чун юз йил қарзман,
гўзал ришта чамбарчас.
Сенсиз ҳеч ким, ҳеч нимаман,
Сен-ла ботирман, қўрқмас.
Шукрин адо этиш учун,
неьматсан ЎЗБЕКИСТОН.
Юксакларга парвоз этган,
шиддатсан ЎЗБЕКИСТОН.
Ёвни нигоҳ билан янчган
ҳайбатсан ЎЗБЕКИСТОН
Дунёларга достоним,
қадри буюк осмоним.
Меҳр суврати чизилган,
ҳайратсан ЎЗБЕКИСТОН
ДИЛДОРА АБДИНАЗАРОВА ✍
